Yey. Parang ambilis ng isang taon. 2012 na. Parang kelan lang. Thanks God at nabigyan ako ulet ng pagkakataon na makapamasyal sa ibang lugar. Maraming nangyaring masasaya sa 2011 ko, at siyempre highlight na dito ang pagpunta ko sa Hong Kong at Macau nung early week of October with some friends. At siyempre din isa sa mga pakay ko ang mapuntahan ang mga gusali o buildings na dinisenyo ng mga sikat na arkitekto, sabi nga nila e STARCHITECTS.
Umpisahan na natin.
International Commerce Center. West Kowloon. Hong Kong. Habang naglalayag kami ng aking kaibigan mula Macau patungong Hong Kong. Una agad sa nakita ko ang isa mga kilalang skyscraper sa buong mundo. Tinatayang may 108 na palapag ito na matatagpuan sa tabi ng karagatan ng Victoria Harbor. At ang natatanging grupo na nagdisenyo nito ay ang Kohn Pedersen Fox Associates.
Bank of China Tower. Hong Kong. Hong Kong. Pagtapak pag tapak ko palang sa pier ng Hong Kong. Ito kaagad ang sumambulat sa aking mga mata. Nakaramdam ako ng kilabot dahil ako medyo namangha talaga ako kumbaga ang tawag nila e Jesus Christ Phenomenon at talgang mapapa-OMG ka. Dati kase nakikita ko lang itong gusali na ito sa mga libro at nabasa ko ang isang coffee table book ni I.M. Pei na syang nagdisenyo ng gusaling ito. Nakatala dun sa coffee table book ang mga masterpiece in Pei.
(Ang larawan na ito ay likas na kuha ng aking camera)
Two International Finance Center. Hong Kong. Hong Kong. Sa pagbabaybay namin sa patungo sa aming lakarin, sa aking kabila naman nakita ko ang isa din sa prominenteng skyscraper sa mundo. Sa isip ko hugis electric cutter sa buhok. Hahaha. Pero never mind. Ganunpaman madaming maipagmamalaki ang Hong Kong dahil na din sa matatag nilang ekonomiya na inilalarawan ng mga gusaling ito. Isa sa pamantayan ng maunland na bansa ang mga gusali base sa nabasa ko. Ang tanyag na gusali na ito ay dinisenyo ni Cesar Pelli na kilala rin sa pagdidisenyo ng Petronas Tower sa Malaysia (na akin nading nabisita noong 2010.) Ang gusaling ito at pang-walo sa matataas ng gusali sa buong mundo.
(Ang larawan na ito ay likas na kuha ng aking camera)
HSBC Building. Hong Kong. Hong Kong. At siyempre. Pahuhuli pa ang gusaling ito. Syempre hinde. Isa din ito sa highlight na gusto kong makita sa Hong Kong. Ang building na ito ay disenyo ni Lord Norman Foster. Ang gusali ay gawa sa bakal at makikita mo sobrang moderno ang pagkakagawa.
---
Ang buhay ay isang paglalakbay. Madami tayong madadaan, mga magagandang bagay. Sana gawin natin makabuluhan ang paglalakbay natin dahil minsan di natin alam kung kelan hihinto ang paglalayag. Gawing masaya ang buhay. Yun lang. Dahil todong nagenjoy ako. Sana mapuntahan nyo rin ito at alam kong may sarili kayong kwento bukod sakin habang tinatanaw ang mga gusaling ito. Happy trip! Looking forward this year!
No comments:
Post a Comment